१७८ दोसी बीवन वैष्णवन की वार्ता गए। यह सुनिकै वा क्षत्रानी के घर वैष्णव आए। तव वा क्षत्रानी ने वैष्णव सों कही, जो-तुम श्रीठाकुरजी कों पधराइ ले जाउ। तव वे वैष्णव श्रीठाकुरजी कों वा क्षत्रानी के घर तें अपने घर पधराइ ले गए। भावप्रकाश—याको अभिप्राय यह है, जो - जदपि या क्षत्रानी की जीव दैवी हतो, परि वाकी देह आसुरी हुती । और मन हू आसुरी हुतो । तातें प्रभु इन पास सेवा नाहीं कराए । सो वैष्णव श्रीगुसांईजी के वचन स्मरन करि कै प्रीति सों श्रीठाकुरजी की सेवा करते । पाछे वह क्षत्रानी वोहोत खेद करन लागी। सो वह क्षत्रानी श्रीगुसांईजी की ऐसी कृपापात्र हती। तातें इनकी वार्ता कहां तांई कहिए । वार्ता ॥११९॥ . अव श्रीगुसाईजी के सेषक भील दोइ, द्वारिकाजी के मारग मे रहते, तिनकी पातको भाव कहत है- भावप्रकाश-ये सात्विक भक्त हैं, लीला में ये 'पुलिंदिनी' के यूथ के हैं । 'माधुरी' तें प्रगटे हैं, तातें उन के भावरूप हैं । वार्ता प्रसंग-१ सो एक समै श्रीगुसांईजी श्रीगोकुल तें द्वारिकाजी श्री- रनछोरजी के दरसन कों पधारे। तहां ये भील दोइ आछे कपरा पहरि मुसाफिर वनि मारग में श्रीगुसांईजी के डेरान के पास उतरे । सो भील चोरी करन के लिये उतरे। पाछे सब कोऊ अधिकारी भंडारी सेवक टहलुवान ने बरजे। तब श्री- गुसांईजी आप कहे, जो रहन देहु । पाछे रात्रि को उन भीलन कों श्रीगुसांईजी जूंठनि दीनी । तब जूंठनि लेत ही उन दोऊ । भीलन की बुद्धि फिरी। सो सगरी रात्रि श्रीगुसांईजी के डेरान की चौकी दिये । पाठें भोर ही उन भीलन में श्रीगुसां-
