२५८ दोसौ बावन वैष्णवन की वार्ता वडड़े वैठि विचार मतो करि, पर्वत कों वलि दीजें। नंदराय को कुंवर लाडिलो, कान्ह कहे सो कीजें ॥ माखन दृध दह्यो घृत पक लेले, चले सकल ब्रजवासी। मिटयो भाग सुरपति जिय जान्यो, मेघ दियो मुकराई। 'मेहा' प्रभु गिरि कर धरि राख्यो, नंदकुंवर सुखदाई । राग . मारग सुनिए तात हमारो मत, गोवर्द्धन पूजा कीजे । जो तुम जज्ञ रच्यो सुरपति को, सो सव इहां ले दीजे ॥ कंदमूल फल यह फल की निधि, जो मांगो सो पावो । यह गिरि वास हमारो निसदिन, नि: गाँइ चरावो ॥ दूध दही के माट भरावो, विजन अमृत अपार । मधु मेवा पकवान मिठाई, भरि भरि राखे थार ॥ बड़डे वैठि विचारि मतो करि, कान्ह कहे सो कीजे । विविध भांति के अन्नकूट करि, पर्वत को वलि दीजे ॥ यह नग नाना रूप धरत हैं, ब्रजजन को रखवारौ। देवन में यह बड़ो देवता, मोहू को अति प्यारौ ॥ नंदनंदन यही रूप धरि, आपुन भोजन कीयौ । 'मेहा' प्रभु गिरिधरन लाडिले, मांगि मांगि के लीयो । इत्यादि अन्नकूट के कीर्तन मेहा गावत हैं।सो सांझ होंई। सो देहानुसंधान भूलि गयो । मेहा की स्त्री हू कों कछु देह की सुधि रही नाहीं । सो एक वैष्णव खरिक में मेहा की दसा देखि कै श्रीगुसांईजी सों जाँइ कही । तव श्रीगुसांईजी आपु खरिक में पधारे । तब श्रीगुसांईजी मेहा के कान में कहे, जो- कहा समाचार है ? तब मेहा ने श्रीगुसांईजी कों दंडवत् कियो।
