यह पृष्ठ अभी शोधित नहीं है।
साधु-माधुरी-गान पान रोचक सुखदाई। खल-दल-तीछन भाइ राय चटनी मिरचाई ॥ श्री तुलसिदास जस चारु चिर लह्यौ बिसद कविता अजिर । स्तुतिधार रसिकनि-हित रुचिर थापि भूरि भंडार थिर ॥६॥ कविता-सृष्टि उदार-चारु-रचना-बिरंचि बर। भक्ति-भाव-प्रतिपाल-बिस्नु मद-मोह-आदि-हर ।। बोध-बिबुध-बिबुधेस सेस-ध्रुव-धर्म-धराधर । सब्द-सिंधु-बर-बरुन अर्थ-धन-धान्य-धनाकर ॥ भ्रम-बिटप-प्रभंजन कुमति-बन-अगिन तेज-रबि सुजस-ससि । गुनि तुलसिदास सब-देव-मय प्रनवत रतनाकर हुलसि ॥७॥
