यह पृष्ठ अभी शोधित नहीं है।
(७) श्रीगुरु गोविंदसिंह पैठि पठनैटनि के उमगे अँगेठनि मैं, चूर करि ऐंठ सबै धूरि मैं धुरेढूँ मैं। कहै रतनाकर प्रचारयो गुरु गोविंद यौं, मीर मीरजादनि के धीर धरि फेहूँ मैं || सेखनि की सेखी करि देखत अलेखी सबै, दूरि दलि भूरि मुगलदल दपेहूँ मैं। भेटू भब्य भाव देस-भक्त सदपंथिनि के, मोहमद-पंथिनि के मोह-मद मेहूँ मैं ॥१॥ ढाहै अरि-पास के अकास तिनि सीसनि पै, होस कौँ हवा कै हवा उनकी उड़ावै हम । कहै रतनाकर गरजि गुरु गोबिंद यौँ, जमन-निसानी लोह-पानी सौं बहावें हम ॥ जारि जारि प्रखर प्रचंड रोष झारनि मैं, छार उनहीं की उन-आँखिनि पुरावै हम । पंच तत्त्व हूँ मैं निज भाव सत्व संचित के, म्लेच्छ-दल बंचक पै पंचक लगाएँ हम ॥२॥
