यह पृष्ठ अभी शोधित नहीं है।
जैसैं मदगलित गयंदान के बृद बेधि, कंदत जकंदत मयंद कढ़ि जात है। कहै रतनाकर फनिंदनि के फंद फारि, जैसे विनता को नंद कढ़ि जात है। जैसे तारकासुर के असुर-समूह सालि, स्कंद जगवंद निरद्वंद कढ़ि जात है। सूत्रा-सरहिंद सेन गारि यौँ गुविंद कढ्यो, ध्वंसि ज्यों विधुतुद की चंद कढ़ि जात है ॥८॥ गढ़ चमकौर सौ चपल चमकाइ तुरी, अातुरी-समेत रन-खेत बढ़ि आया है। कहै रतनाकर विच्छिनि यो लन्छ कियो, उच्चयीस्रवा पै सहसाच्छि चढ़ि आयौ है । श्रीगुरु गुबिंदसिंह बैरिनि बिदारत यौँ, मानौ विकराल काल-मंत्र पढ़ि आया है। ताव देत ताजिहिँ सवारनि काँ दाव देत, पाव देत पैदल बिदलि कढ़ि आयौ है ॥९॥ भारत की दीन दसा दारुन निबारन को, श्रीगुरु गुरिंद महा जज्ञ-विधि चीन्ही है। कहै रतनाकर कठेटे-पठनैटे-सेख- सैयद-मुगल-सेन समिधा सु लीन्ही है ।
