यह पृष्ठ अभी शोधित नहीं है।
(११) वीर नारायण अमित उमंग जिय जंग जुरिबे की भरयौ, कढ़ि गढ़ सिंगर ते संगर मचायौ है। कहै रतनाकर पठान पँचहत्थनि के. मत्थनि पै आनि जम-जत्यनि नचाया है ।। पैठि अरि ब्यूह मैं अभिक्रम अनूह साधि, असि सौ हियै पै निज विक्रम खंचायौ है । बीर अभिमन्यु लौँ समन्यु रनधीर बीर, भारत मही मैं महाभारत मचायौ है ॥१॥ बीर बीरसिंह बीर-माता के सपूत धन्य, बीर अभिमन्यु लौं समर-पन कीन्ही है। कहै रतनाकर मलेच्छनि के ब्यूह पैठि, तच्छन अनूह महा नर-पन कीन्हा है। देस-हित नेमिनि स्वतंत्रता के प्रेमिनि कौं, आपनौ चरित्र दिब्य दरपन कीन्हौ है। तरपन कीन्हौ जननी को अरि-स्रोनित सौ, सीस का गिरीस-माल अरपन कीन्ही है ॥२॥
