पृष्ठ:रहीम-कवितावली.djvu/९४

४३

बरवै नायिका-भेद।

 

परकीया-कलहान्तरिता—

जेहि लगि कीन बिरोगवा, ननद जेठानि।

लीन न लाइ करेजवा, तेहि हित जानि॥५३॥

गणिका-कलहान्तरिता—

जेहि दीन्हे बहु बेरिया, मोहिं मनि-माल।

तेहते रूठेउँ सखिआ, फिरि गौ लाल॥५४॥

४–बिप्रलब्धा।

मुग्धा-बिप्रलब्धा—

मिलेउ न कन्त सहेटवा^[१], लखेउ डेराइ।

धनिआ^[२] कमल बदनिआ, गौ कुभिलाइ॥५५॥

मध्या-बिप्रलब्धा—

लखेसि न केलि-भवनवाँ, नन्द-कुमार।

लै-लै ऊँचि उससवा, ह्वइ बिकरार^[३]॥५६॥

प्रौढ़ा-बिप्रलब्धा—

देखि न कन्त सहेटवा, भो दुख पूरि।

रोवत नैन कजरवा, ह्वै गौ दूरि॥५७॥

परकीया-बिप्रलब्धा—

बैरिनि मह अभिसरवा, अति दुखदानि।

तापर मिल्यो न मितवा, भो पछितानि॥५८॥

गणिका-बिप्रलब्धा—

करिकै सोरह सिंगरवा, अतर लगाइ।

मिलेउ न लाल सहेटवा, फिरि पछिताइ॥५९॥

---

1. एकान्त स्थान।
2. नायिका।
3. बेकल।