= (३०६) सूरसागर। ॥सांकारण । अरी मोहिं पिउ भावै. को ऐसी जो आनि मिलावै । चौदह विद्या प्रवीन. अतिही. सुंदर नवीन बहुनायक कौन मनावै ॥ नेकदृष्टिं भार चितवे मो विरहिनिको माई काम इंद्र विरह तपनि तनुते बुझावै । सूरदास प्रभु मोको करहिं कृपा अव नित प्रति विरह जरावे ॥७१ ॥ बिलावल ॥ धीरज करिरी नागरी अव श्यामहि ल्याऊं । अति व्याकुल जिनि होहिरी सुख अवहिं कराऊं ॥ देखि दशा सहि नहि सकी मनही अकुलानी। मैं राधाकी प्रियसखी यह कहि पछितानी ॥ झुरि झुरि पियरी भईहै यहतौ सुकुमारी । ऐसी चूक परी है मोपै कहा करौं गिरिधारी॥ प्यारी को मुख धोइकै पटपॉछि सवारयो । तरक वात बहुतै कही कछु सुधि नसँभा श्यो। सावधान कारकै गई ल्याऊ गिरिधरको । सुर तहां आतुर गई पाये हरि वरंको ।।.७२।। टोडी ॥ ललिता सुख चितवत मुसुकाने। आपु हँसी पिय मुख अवलोकत दुहुनि मनहिं मन जाने ॥ आति आतुर धाई कहां आई काहे वदन झुराये। वूझत है पुनि पुनि नँदनंदन चितवत नैन चुराये। तब वोली वह चतुर नागरी अचरज कथा सुनाऊं। सूरश्याम जो चलो तुरतही नैननि जाइ दिखा ऊं॥७३॥ सारंग ॥ अद्भुत एक अनूपमवाग । युगल कमल पर गज क्रीडतहै तापर सिंह करत अनुराग ॥ हार पर सरवर सरपर गिरिवर गिरिपर फूले कंज पराग । रुचिर कपोत बसे ता ऊपर ता ऊपर अमृत फल लाग॥ फल पर पुहुप पुहुप पर पल्लव तापर शुक पिक मृग मद काग। खंजन धनुष चंद्रमा ऊपर ता ऊपर इक मणिधर नाग ।। अंग अंग प्रति और और छवि उपमा । ताके करत न त्याग । सूरदास प्रभु पिक्हु सुधारस मानों अधरनिके बड़भाग।।रामकली ॥ पद्मनिसा रंग एक मझारि। आपहि सारंग नाम कहावै सारंग बरनी वारि ॥ तामें एक छवीलो सारंग अर्थ सारंग उनहारि। अर्ध सारंग पार सकलई सारंग अधसारंग विचारि॥ तामाह सारंग सुत सोभित है ठाठी सारंग संभार । सूरदास प्रभु तुभहूं सारंग पनी छवीली नारि ॥ रामकली ॥ विराजत अंग अंग इति वात । अपने कर करिधरे विधाता पट खग नव जल जात ॥दै पतंग शशि वीस एक. फनि चारि विविध रंग धात । है पिक विव वतीस बज्रकन एक जलज पर थात ॥ इक सायक इक चाप चपल अति चिनुक में चित्त विकातादुइ मृणाल मातुल ऊभेदै कदली खंभ विन पाता। इक केहरि इक हंस गुप्त रहै तिनहि लग्यो यह गात । सूरदास प्रभु तुम्हरे मिलनको अति आतर अकुलात ॥ सारंग । आज मैं देखी एक वाम नईसी । ठाठी हुती अंगना द्वारे विधना रची कीधौं मदन मईसी ॥ हम तन चितै सकुच अंचल दै वारिज वदन परिवारि वईसी । मानौ दै ढंग चले हैं दृगनिले ललित वलित हरि मनहि नईसी ॥ जनु पावस ते निकसि दामिनी नेक दमकि दुरि वोट लईसी। भोजन भवन कछू नहिं भावत पलकन मानो करत खईसी ॥ यह सूरति कवहूं नहिं देखी मेरी अखियन कछु भूल भईसी । सूरदास प्रभु तुम्हरे मिलन को मन मोहन मोहनी अचईसी ॥ सारंग ॥ वरणों श्रीवृषभानु कुमारी । चितदै सुनहु श्याम सुंदर छवि रतिनाहीं अनुहारी ॥ प्रथमाहि सुभग श्याम वेनी की सोभा कहौं विचारी । मानों फनिग. रह्यो पीवन को शशि सुख सुधा निहारी ॥ कहिये कहा शीश सेंदुरको कितौ रही. पचिहारी । मानों अरुन किरनि दिनकरकी पसरी तिमिर विदारी ॥ भृकुटी विकट . निकट नैननिके राजत अति वरनारि । मनहुँ मदन जगजाति जेर करि राख्यो धनुष उतारि॥ ताविच बनी आड़केसरिकी दीन्ही सखिन सँवारि। मानों वंधि इंदु मंडलमें रूपसुधाकी पारि॥ | चपल नैन नासा विच सोभा अधर सुरंग सुठारामनों मध्य खंजन शुक वैच्यो लुबध्यो विव विचार।। 3E
