. . . दशमस्कन्ध-१० (३७१) भवन गई वृषभानुतनया कोक कला सुयाम ॥ करत मनकामना पूरण एक निशि सब वाम । सूरप्रभु जा सदन जात न सोइ करत तनु ताम ॥२५ ॥ अथ खंडिता समय ॥ विलावल ॥ नाना रंग उप जावत श्याम । कोउ रीझति कोउ खीझति वाम ॥ काहूके निशि वसत बनाई । काहू मुख के आवत जाई॥ बहुनायक है विलसत आप । जाको शिवनहिं पावहिं जाप ॥ ताको ब्रजनारी पति जानें । कोऊ आदर कोउ अपमानें ॥ काहूसों कहि आवत सांझ । रहत और नागरि घर मांझ ॥ कबहुँ नि सब संग विहात । सुनहु सूर ऐसे नँदतात ॥ २६ ॥ बिलावल । अब युवतिन सो प्रगटे श्याम । अरस परस सबहिन यह जानी हरि लुब्धे सबहिनके धाम ॥ जादिन जाके भवन न आवत सो मन में यह करति विचार । आजु गए और हि काइके रिसपावति कहि वडे लवार ॥ यह लीला हरिके मनभावति खंडित वचन कहत सुख होत । साँझ बोलदै जात सूर प्रभु ताके आवत होत उदोत ॥ २७ ॥ रामकली ॥ ठाढे नंद द्वार गोपाल । बोलि लीन्हें देखि ललिता सैनदै ततकाल | हँसत गए हरि गेह ताके कोउ न जानत और । मिली हरिके लाइ उरभार चापि कुचन कठोर ॥ कह्यो मेरे धाम कबहूं क्यों न आवत श्याम । सूर प्रभु कहि आजु नागरि आइ हैं हम जाम ॥ २८ ॥ बिलावल ॥ ललिता को सुखदै गए श्याम । आज बसेंगे रौने तुम्हारे प्राण पियारी हो तुम वाम ॥ यह कहिके अनतहि पगधारे बहुनायक के भेद अपार । साँझ समय आवन कहि आए सौंह बहुत करि नंदकुमार ॥ वह बैठी मारग हरि जोवति इक इक पल वीतत इक याम । सुरश्याम आवनकी आशा सेज सँवा री व्याकुल काम ॥२९॥ गौरी ॥ सांझहि ते हरि पंथ निहारे । ललिता रुचि करि धाम आपने सुमन सुगंधनि सेज सँवारै ॥ कबहुँक होत वार ने ठाढी कबहुँक गनति गगनके तारे। कबहुँक आइ गली मग जोवति अजहुँ न आए श्याम पियारे॥वै बहुनायक अनत लुभाने और वामके धाम सिधारे । सुरश्याम विनु विलपति वाला तमचुर शब्द जहँ तहां पुकारे ॥३०॥ ललिता तमचुर टेर सुन्यो।वै बहुनायक अनत लोभाने नहिं आए जिय कहा गुन्यो विन कारण दे आश गए पिय बार वार तिय शीश धुन्यो। सेज सँवारि पंथ निशि जोवत अस्त आनि भयो चंद पुन्यो। तव बैठी मनमारि आपनो कछु रिस कछु मन सोच परयो । सूरश्याम याते नहिं आए मात पिताको त्रास धरयो ॥ ३१ ॥ नैतश्री ॥ सोचपरचो नागरि मन माहीं। की काहूके अनत लोभाने की पितुमात त्रास मनमाहीं॥ वै निशि वसे महल शीलाके सुख सब रैनि गँवाई। उठे अकुलाइ भोर भयो जान्यो तब नागरि सुधि आई ।। सहज चले गोपी सो कहिके जिय सकुचे अति भारी। सूरश्याम ललिता गृह आए चितै रही मुँहप्यारी ॥ ३२ ॥ ललित॥ प्यारी चितै रही सुख पियको। | अंजन अधर कपोलनि वंदन लाग्यो काहू त्रियको ॥ तुरत उठी दर्पण करलीन्हें देखो वदन सुधारो । अपनो मुख उठि प्रात देखिकै तब तुम कहूं सिधारी । काजर वदन अधर कपोलन सकुचे देखि कन्हाई । सुरश्याम नागरि मुख जोक्त वचन कहो नहिं जाई ॥ ३३ ॥ शीलाके परते ललिताफे आए ॥ आसावरी ॥ दर्पण लै प्यारी मुख आगे कहति पिया छबि हेरोजू । मेरी सौं हाहा.कहि पुनि पुनि उत काहे मुख फेरोनू ॥ सकुचत कहा पोलके साँचे मेरे गृहतो आएन ॥ रौनि नहीं तो अब जु कृपा भई धनि जिनि स्वांग करायोज।मेरी कही विलग जिनि मानो मैं तुव करत बडाईजू । सुरश्याम सन्मुख नहिं चितवत रहे धरणि शिरनाईजू ॥३४॥ ललित ॥ क्यामो 'हन दर्पण नहिं देखत । क्योंधरणीपग नखन करोवत क्यों हमतन नहिं पेखताक्यों ठाढे पैठत क्यों
