यह पृष्ठ जाँच लिया गया है।
( ४०५ )
२---फूलि उठे कमल से अमल हितू के नैन
कहै रघुनाथ भरे चैन-रस सियरे ।
दौरि आये भौंर से करत गुनी गुन गान
सिद्धि से सुजान सुखसागर सों नियरे।
सुरभी सी खुलन सुकवि की सुमति लागी
. चिरिया सी जागी चिन्ताजनक के जियरे।
धनुष पै ठाढ़े राम रवि से लसत आजु
भोर केसे नखत नरिंद भये पियरे ।
३---सूखति जात सुनी जब सों
कछु खात न पीवत कैसे धौं रैंहै ।
जाकी है ऐसी दसा अबहीं
रघुनाथ सो औधि अधार क्यों पैहे ।
ताते न कीजिये गौन बलाय
ल्यों गौन करे यह सीस बिसैहै ।
जानत हौ दृग ओट भये तिय
प्रान उसासहिं के सँग जैंहै ।
४---देखिबे को दुतिपूनो के चंद की
हे रघुनाथ श्रीराधिका रानी ।
आई बुलाय कै चौतरा ऊपर
ठाढ़ी भई सुख सौरभ सानी ।
ऐसी गयी मिलि जोन्ह की जोत
मैं रूप की रासि न जाति बखानी।
बारन ते कछु भौंहन ते कछु
नैनन की छबि ते पहिचानी ।
