यह पृष्ठ अभी शोधित नहीं है।
ग्रन्थावली ] [६४३
(११)इस पद का समभाव देखिए-
छाडि मन हरि-विमुखन कौ सग ।
जिनके सग कुबुघि उपजत है, परत भजन से भग ।
कहा होत पय पान कराये,विष नाहिं तजत भुजंग ।
कागहि कहा कपूर चुगाये, स्वान न्हवाये गंग ।
खर को कहा अरगजा-लेपन, मरकट भूषन अंग ।
गज को कहा न्हवाये सरिता, बहुरि घरै खेहि छंग ।
पाहन पतित वान नहिं वेधत, रोतौ करत निषग ।
'सूरदास' खल कारी कामरि, चढत न दूजौ रंग । - सूरदास
(२२२)
अब न बसू इहिं गांइ गुसाई,
तेरे नेवगी खरे सयांने हो राम ॥ टके ॥
नगंर एक तहां जीव धरम हता, बसै जु पंच किसानां ।
नैनू निकट श्रवनू रसनू, इंद्री कहा न मानै हो रामं ॥
गांइ कु ठाकुर खेत कु नेपै, काइथ खरच न पारै ।
जोरि जेवरी खेति पसारै, सब मिलि मोकौं मारै हो राम ॥
खोटौ महतौ बिकट बलाही, सिर कसदम का पारै ।
बुरौ दिवांन दादि नहिं लागै, इस बांधै इक मारै हो रामं ॥
धरमराइ जब लेखा मांग्या, बाकी निकसी भारी ।
पांच किसानां भाजि गये हैं, जीव घर बांध्यौ पारी हो रामं ॥
कहै कबीर सुनहु रे संतौ, हरि भजि बांधौ भेरा ।
अबकी बेर बकसि बदे कौं, सब खत करौ नवेरा ॥
