पृष्ठ:कबीर ग्रंथावली.djvu/१७६

६२

कबीर-ग्रंथावली

बैलहि डांरि गूंनि घरि आई,कुत्ता कूं लै गई बिलाई ।
तलि करि साषा ऊपरि करि मूल,बहुत भाँति जड़ लागे फूल ॥
कहै कबीर या पद कौं बूझै,ताकू तीन्यू त्रिभुवन सूझे ।। ११ ।।

⁠हरि के पारे बड़े पकाये,जिनि जारे तिनि षाये।
⁠ग्यांन अचेत फिरैं नर लोई,ताथैं जनमि जनमि डहकाये ॥टेक।।
धौल मंदलिया बैलर बाबी,कऊवा ताल बजावै।
पहरि चोल नांगा दह नाचै,भैंसा निरति करावै ॥
स्यंघ बैठा पान कतरै,घूंस गिलौरा लावै ।
उंदरी बपुरी मंगल गावै,कछू एक आनंद सुनावै ॥
कहै कबीर सुनहुँ रे संतो गडरी परबत खावा ।
चकवा बैसि अंगारे निगलै,समंद अकासां धावा ॥ १२ ॥

⁠चरषा जिनि जरै।
⁠कातौंगी हजरी का सूत,नणद के भईया की सौं ।।टेक।।
जलि जाई थलि ऊपजी,आई नगर मैं आप ।
एक अचंभा देखिया,बिटिया जायौ बाप ॥
बावल मेरा ब्याह करि.बर उत्यम ले चाहि ।
जब लग बर पावै नहीं,तब लग तूं हों व्याहि ।।
सुबधी कै घरि लुषधी आयो,आन बहू कै भाइ।
चूल्है अगनि बताइ करि,फल सौ दोयौ ठठाइ ॥
सब जगही मरि जाइयौ,एक बढइया जिनि मरै ।
सब रांडनि कौ साथ चरपा को घरै ।।
कहै कबीर सो.पंडित ग्याता,जो या पदहि बिचारै।
पहलैं परचै गर मिलै,तौ पीछैं सतगर तारै ॥ १३ ।।