पृष्ठ:कबीर ग्रंथावली.djvu/१८४

१००

कबीर-ग्रंथावली

⁠अच्यंत च्यंत ए माधी,सो सब मांहिं समानां ।
⁠ताहि छाडि जे पनि भजत हैं,ते सब भ्रमि भुलांना ।टेक।।
ईस कहै मैं ध्यान न जांनूं,दुरलभ निजं पद मोहीं ।
रंचक करूणां कारणि केसौ,नांव धरण कौं ताहीं ।।
कहै धौं सबद कहां थें आवै,अरू फिरि कहाँ समाई ।
सबद अतीत का मरम न जानैं,भ्रंमि भूली दुनियाई ॥
प्यंड मुकति कहां ले कीजै,जौ पद मुकति न होई ।
पांडैं.मुकति कहत हैं मुनि जन,सबद अतीत था सोई ।।
प्रगट गुपत गुपत पुनि प्रगट,सो कत रहै लुकाई ।
कबीर परमानंद मनाये,अकथ कथ्यौ नहीं जाई ॥ ३६ ।।

⁠सो कछू बिचारहु मंडित लोई,
⁠⁠जाकै रूप न रेष बरण नहीं कोई ।। टेक ।।
उपजै प्यंड प्रांन कहां थैं आवै,मृवा जीव जाइ कहां समावै ॥
द्री कहां करहि विश्रांमां,सौ कत गया जो कहता रांमा ।।
पंचतत तहां सबद न स्वादं,अलष निरंजन विद्या न बादं ।।
कहै कबीर मन मनहि समानां,तब पागम निगम झूठ करि जानां३७

⁠जौ पैं बीज रूप भगवाना,
⁠⁠तौ पंडित का कथिसि गियाना ॥टेक॥
नहीं तन नहीं मन नहीं अहंकारा,नहीं सत रज तम तीनि प्रकारा॥
विष अमृत फल फले अनेक,बेद रु बोधक हैं तरु एक ॥
कहै कबीर इहै मन माना,कहिधूं छूट कवन उरझाना ॥ ३८ ॥

⁠पांडे कौंन कुमति तोहि लागी,
⁠⁠तूंं रांम न जपहि अभागी ॥ टेक ॥
बेद पुरांन पढत अस पांडे,खर चंदन जैसें भारा ।
रांम नांम तत समझत नांहीं,अंति पड़ै मुखि छारा ॥