यह पृष्ठ जाँच लिया गया है।
(३७) रत्नसेन संतति खंड
जाएउ नागमती नगसेनहि। ऊँच भाग, ऊँचे दिन रैनहि॥
कवँलसेन पदमावति जाएउ। जानहुँ चंद धरति महँ आएहुँ॥
पंडित बहु बुधिवंत बोलाए। रासि बरग औ गरह गनाए॥
कहेन्हि बड़े दोउ राजा होहीं। ऐसे पूत होहिं सब तोहीं॥
नवौ खंड के राजन्ह जाहीं। औ किछु दुंद होइ दल माहीं॥
खोलि भंडारहि दान देवावा। दुखी सुखी करि मान बढ़ावा॥
जाचक लोग, गुनीजन आए। औ अनंद के बाज बधाए॥
बहु किछु पावा जोतिसिन्ह औ देइ चले असीस।
पुत्र, कलत्र, कुटुंब सब, जीवहिं कोटि बरीस॥ १ ॥
(१) जाएउ = उत्पन्न किया, जना। ऊँचे दिन रैनहि = दिन रात में वैसा ही बढ़ता गया। दुंद = झगड़ा, लड़ाई।
