पृष्ठ:जायसी ग्रंथावली.djvu/३९७

विकिस्रोत से
यह पृष्ठ जाँच लिया गया है।
२१५
बादशाह भोज खंड

जत परकार रसोइ बखानी। तत सब भई पानि सौं सानी॥
पानी मूल परिख जौ कोई। पानी बिना सवाद न होई॥
अमृत पान सह अमृत आना। पानी सौं घट रहै पराना॥
पानी दूध औ पानी घीऊ। पानि घटैं, घट रहै न जीऊ॥
पानी माँझ समानी जोती। पानिहि उपजै मानिक मोती॥
पानिहि सौं सब निरमल कला। पानी छुए होइ निरमला॥
सो पानी मन गरब न करई। सीस नाइ खाले पग धरई॥

मुहमद नीर गंभीर जो भरे सो मिले समुंद।
भरै ते भारी होइ रहे, छूछें बाजहिं दुंद ॥ ११ ॥

 



(११) जत = जितनी। तत = उतनी। पानी मूल...कोई = जो कोई विचार कर देखे तो पानी ही सबका मूल है। अमृत पान = अमृतपान के लिये। दुंद = ठक ठक।