३४० दोनों बावन वणरन की वार्ता में प्रभु को अंस है और उहां जो या बात की ममझि परे तो तुम्हारो और मेरो कलंक मिटे । पाठे माहुकार ने हाकिम मां कही, जो - पृथ्वीपति पास न्याव होयगो । नातं हमको पृथ्वी- पति पास भेजो। तब हाकिम और राजद्वार के लोग मिलि के वे तुरक को पत्र लिखि दीनो । ता पाठे वे सब उहां त चले । सो केतेक दिन मे पृथ्वीपति पास आये । तब पृथ्वी- पति ने घनो न्याय कियो, चतुराई करी । और राजकाज के लोगन सों मिलि के विचारयो । परि कछ ममुझ परे नाहीं । तव वा स्त्री सों पूछ्यो, जो - यह कहा है ? तब बाने कही. हों तो कछ जानत नाहीं, जो - यह कहा कोप है ? पाळे वा तुरक ने तो सवन को लिख्यो दिखायो । तब वह लिख्यो साँचो भयो और वह स्त्री झूठी भई । ता पाछे वाके संग पृथ्वी- पति ने वह स्त्री करि दीनी। तब वह ले के चल्यो । सो जम- नाजी के पार उतरयो । तव आगे वह तुरक चल्यो जात है पाछे वह स्त्री चली जात है । सो पाछे देखत जाति है और रोवत जाति है। और भाटे सों मृड फोरे है । सो रुधिर निकस्यो है । सो सारी रुधिर सों भरी है । और मन में प्रभुजी को चिंतन करे है । ऐसें कल्पत चली जात है । सो ता समे 'निगमवोध ' श्रीजमनाजी की घाट है । सो किला के नीचे ही है। सो श्रीगुसांईजी ता समै उहां पधारे हे । सो निगमवोध घाट ऊपर स्नान करत हे । ता समे पृथ्वीपति और बीरवल और राजा टोडरमल झरोखा में बैठे देखत हैं। ता समै श्रीगुसांईजी की दृष्टि वा स्त्री पर गई । सो वाने पाठे फिरि कै देख्यो, तव ही श्रीगुसांईजी ने पहिचानी । जो - यह
