यह पृष्ठ प्रमाणित है।
१३९
भ्रमरगीत-सार
राग धनाश्री
जोग-सँदेसो ब्रज में लावत।
थाके चरन तिहारे, ऊधो! बार बार के धावत॥
सुनिहै कथा कौन निर्गुन की, रचि पचि[४] बात बनावत।
सगुन-सुमेरु प्रगट देखियत, तुम तृन की ओट[५] दुरावत॥
हम जानत परपंच स्याम के, बातन ही बहरावत।
देखी सुनी न अब लौं कबहूँ, जल मथे माखन आवत॥
जोगी जोग-अपार सिंधु में ढूँढ़े हू नहिं पावत।
ह्याँ हरि प्रगट प्रेम जसुमति के ऊखल आप बँधावत॥
चुप करि रहौ, ज्ञान ढँकि राखौ; कत हौ बिरह बढ़ावत।
नंदकुमार कमलदल-लोचन कहि को जाहि न भावत?
काहे को बिपरीत बात कहि सब के प्रान गँवावत।
सोहै सो कित सूर अबलनि जेहि निगम नेति कहि गावत?॥३५७॥
