यह पृष्ठ जाँच लिया गया है।
(४०१)
५---जल भरे झुमैंमानों भूमैं परसत आय
दसहूं दिसान घूमैं दामिनी लये लये।
धूरि धार धूमरे से धूम से धुंधारे कारे
धुरवान धारे धावैं छवि सों छये छये ।
श्रीपति सुकबि कहै घोरि घोरि घहराहिं
तकत अतन तन ताप तें तये तये ।
लाल बिनु कैसे लाज चादर रहेगी आज
कादर करत मोहिं बादर नये नये ।
६---हारि जात बारि जात मालती विदारि जात
बारिजात पारिजात सोधन मैं करीसी ।
माखन सी मैन सी मुरारी मखमल सम
कोमल सरस तन फूलन की छरी सी।
गहगही गरुई गुराई गोरी गोरेगात
श्रीपति बिलौर सीसींईगुर सों भरीसी।
विज्जुधिर धरी सी कनक-रेख करी सी
प्रवाल छबि हरी मी लसत लाल लरीसी।
७---भौंरन की भीर लैके दच्छिन समीर धीर
डोलत है मंद अब तुम धौं कितै रहे ।
कहै कबि श्रीपति हो प्रवल वसंत
मतिमंत मेरे कंत के सहायक जितै रहे।
जागहि बिरह जुर जोर ते पवन है के
पर धूम भूमि पै सम्हारत नितै रहे ।
रति को बिलाप देखि करुना अगार कछु
लोचन को मूंदि कै तिलोचन चितै रहे ।
