यह पृष्ठ जाँच लिया गया है।
२५०
भारतेंदु-नाटकावली
ललिता-कहाँ तुम्हारो देस है?
जोगिन-प्रेम नगर पिय गॉव।
ललिता-कहा गुरू कहि बोलहीं?
जोगिन-प्रेमी मेरो नॉव॥
ललिता-जोग लियो केहि कारनैं?
जोगिन-अपने पिय के काज।
ललिता-मंत्र कौन?
जोगिन-पियनाम इक,
ललिता-कहा तज्यो?
जोगिन-जग-लाज॥
ललिता-आसन कित?
जोगिन-जितही रमे,
ललिता-पंथ कौन?
जोगिन-अनुराग।
ललिता-साधन कौन?
जोगिन-पिया-मिलन,
ललिता-गादी कौन?
जोगिन-सुहाग॥
तब सों सब कुछ छोड़ि हम फिरत देस-परदेस॥
