यह पृष्ठ अभी शोधित नहीं है।
चाँदनी बिलोकन कौँ चौहरे अटा पै चढ़ी, चंद के करेज भयौ कठिन कराकी है। कहै रतनाकर हँसौं हैं ब्रजचंद हेरि, फेरि मुख कीन्यौ बाल बीच अचरा का है ॥ संग की सहेली कह्यौ हेली ! मन टोहि कछू, जोहि कुम्हिलात रूप रुचिर हरा को है। अधर-सुधाधर कौं देखति कहा है। उतै, देखा यह सुधर सुधाधर धरा का है ॥४०॥ होरी खेलिबे काँ कढ़ी केसरि कमोरी घोरि, उमगति आनँद की तरल तरंग मैं । कहै रतनाकर महर का लडैता छैल, रोकी गैल आनि हुरिहारनि के संग मैं। मो तन निहारि धारि पिचकी-अधार अंक, मारी मुसुकाइ धाइ उरज उतंग मैं । सोई पिचकारी रंगी सारी लाल रंग माहि, साई रंगी अँखियाँ हमारी स्याम-रंग मैं ॥४१॥ देखि स्याम सुंदर कौँ देखत लगाए दीठि, पीठि फेरि प्रथम कछूक अनखाति है। कहै रतनाकर बहुरि मुरि चाहि बंक, संकित मृगी लौँ चकि छरकि छपाति है।
