पृष्ठ:सूरसागर.djvu/५३७

(४४४)

सूरसागर।

कहो॥७॥ इतते गई ब्रज सुंदरी मिलि झूमकहो। उतते मोहन नवलन अहीर मिलि झूमकहो॥ बांस धरे जेरी धरी मिलि झूमकहो। बिच मार मची भई भीर मिलि झुमकहो॥८॥ एक सखी निकसि झुंडते मिलि झूमकहो। तिनि पकरि लई हरि हाथ मिलि झूमकहो॥ बहुरि उठीं दशबीस मिलि झूमकहो। धरिलिये आय ब्रजनाथ मिलि झुमकहो॥९॥ इक पट पीतांबर गह्यो मिलि झूमकहो। एक मुरली लई छिडाय मिलि झूमकहो॥ एक मुख मँडहि कुमकुमा मिलि झूमकहो। एक गारीदै उठी गाइ मिलि झूमकहो॥१०॥ प्यारी कर काजर लियो मिलि झूमकहो। हँसि आँजति पियकी आँखि मिलि झूमकहो॥ यहि विधि हरिको घेरि रहीं मिलि झूमकहो। ज्यों घेरिरही मधुमाखि मिलि झूमकहो॥११॥ अब तो घात भलीबनी मिलि झूमकहो। तब चीर हरे जलभीतर मिलि झूमकहो। सोपरी हँसा हम सारि हैं मिलि झूमकहो। सुनि लेहु ललन बलवीर मिलि झुमकहो॥१२॥ अब हम तुमहिं न गाइ मिलि झूमकहो। मुसकात कहा यदुराय मिलि झूमकहो॥ की हमसों हाहाकरौ मिलि झूमकहो। की परहु कुँवारिके पाँइ मिलि झूमकहो॥१३॥ बंकविलोकनिमन हरो मिलि झूमकहो। ढगि तुमहिं रही ब्रजबाल मिलि झूमकहो॥ फगुवा बहुत मँगाय दियो मिलि झूमकहो। मधु मेवा मधुर रसाल मिलि झूमकहो॥१३॥ कहि मोहल ब्रजसुंदरी मिलि झूमकहो। तब धाय धरे बल घेरि मिलि झूमकहो॥ संक सकुच सब छाँडिकै मिलि झूमकहो। चहुँपास रही मुखहेरि मिलि झुमकहो॥१५॥ कनक कलस भरि कुमकुमा मिलि झूमकहो। धरि ढारि दिये शिर आनि मिलि झूमकहो॥ चंदन वंदन अरगजा मिलि झूमकहो। सब छिरकति करति न कानि मिलि झूमकहो॥१६॥ खेलि फागु अनुराग वढ्यो मिलि झूमकहो। फिरि चले यमुनजल न्हान मिलि झूमकहो॥ द्वितिया बैठि सिंहासने मिलि झूमकहो। दोउ देत रत्न मणिदान मिलि झूमकहो॥१७॥ यहि विधि हरिसँग खेलही मिलि झूमकहो। गण गोकुलनारि अनंत मिलि झूमकहो॥ सूर सबनको सुख दियो मिलि झूमकहो। राम रसिक राधिक कंत मिलि झूमकहो॥१८॥४४॥ रागिनी काफी ॥ मनमोहनललनामनहरयो ॥ गृहगृहते सुंदरि चलीं देखन ब्रजराज कुमार। देखिबदन विथकित भर्हं बैठी हैं सिंहदुआर॥ डिमिडिमी पटह ढोल डफ वीणा मृदंग उपंग चंग तार। गावत प्रीति सहित श्रीदामा बाढ्यौ है रंग अपार॥१॥ इत राधिका सहित चंद्रावलि ललिता घोष अपार। उत मोहन हलधर दोउ भैया खेलमच्यो दरवार॥ रत्नजटित पिचकारी करलिये छिरकति घोषकुमारि। मदनमोहन पिय रसमातेहैं कछुअन अंग सँभारि॥२॥ मोहनप्यारी सैनदै हलधर पकराए जाय। आपुन हँसत पीतपट मुखदै आएहो आंखि अँजाय। बहुरि सिमिटि ब्रजसुंदरी मनमोहन पकरेजाय। अधरपान रस करति पियारी मुरली लई छिडाय॥३॥ परिवा सिमिटिसकल ब्रजवासी चले यमुनजल न्हान। वारिकुँवरिपर पट नंदरानी देतिविप्रन बहुदान॥ द्वितीयपाट सिंहासन बैठे चमरछत्र शिरढार। सूरज प्रभु पर सकल देवता बरषत सुमन अपार॥४॥४५॥॥ श्रीहठी ॥ श्यामसंग खेलनचली श्यामा सब सखियनको जोरि। चंदन अगर कुमकुमा केसरि बहुकंचन घट घोरि॥ खेलत मोहन रंग भरेहो लाल प्यारो सुंदर सब सुखराशि॥१॥ फूलनके गेंदुक नवला सजि कनक लकुटिआ हाथ। जाय गही ब्रजखोरि राधिका कोटिक युवती साथ। उतते हरि आए जब खेलत हो हो होरी संग। कानपरी सुनिए नाहीं बहुबाजत ताल मृदंग॥२॥ पैहिले सुधि पाई नहीं तब घिरे सांकरी खोरि। अब हलधर उलटहु काहे तुम धावहु ग्वाल