पृष्ठ:हिंदी भाषा और उसके साहित्य का विकास.djvu/४८०

( ४६६ )

ग्वाल कवि चंदन चहल में कपूर चूर,
⁠चंदन अतर तर बसन खोज्यो करै ।
कंज मुखी कंज नैनी कंज के बिछौनन पै
‌⁠कंजन की पंखी कर कंज ते कज्यो करै ।
४- गीधे गीधे तार कै मुतारि के उतारि के जू
⁠धारि कै हिये में निज बात जटि जायगी।
तारि कै अवधि करी अवधि सुतारिबे की
⁠बिपति बिदारिबे की फाँस कटि जायगी।
ग्वाल कवि सहज न तारियो हमारी गिनी
⁠कठिन परैगी पाप-पांति पटि जायगी।
‌‌यातें जो न तारिहौ तुम्हारी सौंह रघुनाथ
⁠अधम उधारिबे की साख घटि जायगी।
५- जाकी खूब खूबी खूब खूबन कै खूबी यहाँ
⁠ताकी खूब ख़ूबी खूब ख़बी नभ गाहना।
जाकी बद जाती बद जाती इहां चारन में
⁠ताकी बद जाती बद जाती ह्वां उराहना।
ग्वाल कवि येही परसिद्ध सिद्ध ते हैं जग
⁠वही परसिद्ध ताकी इहाँ ह्वां सराहना ।
जाकी इहां चाहना है ताकी वहाँ चाहना है
⁠जाकी इहाँ चाहना है ताकी उहाँ चाह ना।
६- चाहिये जरूर इनसानियत मानस को
⁠नौबत बजे पै फेर भेर बजनो कहा।
जाति औ अजाति कहा हिंदू औ मुसलमान
⁠जाते कियो नेह ताते फेर भजनो कहा।