भ्रमरगीत-सार/२ कहियो नन्द कठोर भए

विकिस्रोत से
भ्रमरगीत-सार  (1926) 
द्वारा रामचंद्र शुक्ल

[ ८६ ]

राग सोरठ
कहियो नन्द कठोर भए।

हम दोउ बीरै[१] डारि पर-घरै मानो थाती सौंपि गए॥
तनक तनक तैं पालि बड़े किए बहुतै सुख दिखराए।

[ ८७ ]

गोचारन को चलत हमारे पाछे कोसक धाए॥
ये बसुदेव देवकी हमसों कहत आपने जाए।
बहुरि बिधाता जसुमतिजू के हमहिं न गोद खिलाए॥
कौन काज यह राज, नगर को सब सुख सों सुख पाए?
सूरदास ब्रज समाधान[२] कर आजु काल्हि हम आए॥२॥

  1. बीर=भाई।
  2. समाधान=प्रबोध, तसल्ली।