भ्रमरगीत-सार/८१-मधुकर रह्यो जोग लौं नातो

by रामचंद्र शुक्ल

 

राग मलार
मधुकर रह्यो जोग लौं नातो।

कतहिं बकत बेकाम काज बिनु, होय न ह्याँ तें हातो^[१]॥
जब मिलि मिलि मधुपान कियो हो तब तू कहि धौं कहाँ तो।
तू आयो निर्गुन उपदेसन सो नहिं हमैं सुहातो॥
काँचे गुन^[२] लै तनु ज्यों बेधौ; लै बारिज को ताँतो।
मेरे जान गह्यो चाहत हौ फेरि कै भैगल^[३] मातो॥
यह लै देहु सूर के प्रभु को आयो जोग जहाँ तो।
जब चहिहैं तब माँगि पठै हैं जो कोउ आवत-जातो॥८१॥

1. हातो=दूर, अलग।
2. गुन=तागा।
3. भैगल=मस्त हाथी।