भ्रमरगीत-सार/१०-नीके रहियो जसुमति मैया

by रामचंद्र शुक्ल

नीके रहियो जसुमति मैया।

आवैंगे दिन चारि पाँच में हम हलधर दोउ भैया॥
जा दिन तें हम तुमतें बिछुरे काहु न कह्यो 'कन्हैया'।
कबहूँ प्रात न कियो कलेवा, साँझ न पीन्हीं^[१] धैया^[२]॥
बंसी बेनु सँभारि राखियो और अबेर सबेरो।
मति लै जाय चुराय राधिका कछुक खिलौनो मेरो॥

कहियो जाय नंदबाबा सों निपट निठुर जिय कीन्हो।
सूर स्याम पहुँचाय मधुपुरी^[३] बहुरि सँदेस न लीन्हो॥१०॥

1. पीन्ही=पी।
2. धैया=थन से सीधी छूटती दूध की धारा।
3. मधुपुरी=मथुरा।