भ्रमरगीत-सार/१३८-ऊधो! मन माने की बात
[ १३७ ]
जरत पतंग दीप में जैसे, औ फिरि फिरि लपटात॥
रहत चकोर पुहुमि पर, मधुकर! ससि[१] अकास भरमात।
ऐसो ध्यान धरो हरिजू पै छन इत उत नहिं जात॥
दादुर रहत सदा जल-भीतर कमलहिं नहिं नियरात।
काठ फोरि घर कियो मधुप पै बंधे अंबुज के पात॥
बरषा बरसत निसिदिन, ऊधो! पुहुमी पूरि अघात।
स्वाति-बूंद के काज पपीहा छन छन रटत रहात॥
सेहि[२] न खात अमृतफल भोजन तोमरि को ललचात।
सूर कृस्न कुबरी रीझे गोपिन देखि लजात॥१३८॥