भ्रमरगीत-सार/२७२-मधुकर मधुमदमातो डोलत

by रामचंद्र शुक्ल

 

⁠मधुकर! मधुमदमातो डोलत।
जिय उपजत सोइ कहत न लाजत सूधे बोल न बोलत॥
बकत फिरत मदिरा के लीन्हें बारबार तन घूमत।
ब्रीड़ारहित^[१] सबन अवलोकत लता-कली-मुख चूमत॥
अपनेहूँ मन की सुधि नाहीं पर्‌यो आन ही कोठो^[२]॥
सावधान करि लेहि अपनपौ तब हम सों करु गोठो^[३]।
मुख लागी है पराग पीक की, डारत नाहिंन धोई।
ताँसों कह कहिए सुनु, सूर, लाज डारि सब खोई॥२७२॥

1. ब्रीड़ा=लज्जा।
2. पर्‌यो......कोठो=मन और ही कोठे में है अर्थात् भ्रांत है।
3. गोठो=गोष्ठी, सलाह।