भ्रमरगीत-सार/८४-निरमोहिया सों प्रीति कीन्हीं काहे न दुख होय

by रामचंद्र शुक्ल

[ ११९ ]

राग सोरठ

निरमोहिया सों प्रीति कीन्हीं काहे न दुख होय?
कपट करि करि प्रीति कपटी लै गयो मन गोय^[१]॥
काल-मुख तें काढ़ि आनी बहुरि दीन्हीं ढोय।
मेरे जिय की सोइ जानै जाहि बीती होय॥
सोच, आँखि मँजीठ कीन्हीं निपट काँची पोय^[२]।
सूर गोपी मधुप आगे दरकि^[३] दीन्हों रोय॥८४॥

1. गोय लै गयो=चुरा ले गया।
2. सोच, आँखि मजीठ...काँची पोय=आँखें भी मजीठ की तरह लाल (धूएँ आदि से) की, कच्चा पकाया भी। काँची पोय=कच्ची रोटी बनाकर अर्थात् प्रेम का कच्चा व्यवहार करके।
3. दरकि=फूट फूटकर।